Rritja e infektimeve me COVID, Koreja e Veriut sugjeron luftimin me mjekësi tradicionale: Çaj dhe ujë me kripë

Koreja e Veriut po përballet me përhapjen e COVID, në një popullatë të pavaksinuar dhe pa qasje në barna efektive antivirale, njerëzit po këshillohen të provojnë kura alternative, si pirja e çajit bimor dhe gargara me ujë të kripur.

Në fillim të vitit 2020, vendi mbylli kufijtë e tij në përpjekje për të izoluar veten nga pandemia. Udhëheqja e saj deri më tani ka refuzuar mbështetjen e jashtme mjekësore.

Për ata që nuk janë të sëmurë rëndë, gazeta e partisë në pushtet “Rodong Sinmun” rekomandoi çaj xhenxhefili dhe një pije me gjethe shelgu. Pijet e nxehta mund të qetësojnë disa simptoma të COVID, të tilla si dhimbje të fytit ose kollë, dhe të ndihmojnë në hidratimin kur pacientët humbasin më shumë lëngje se normalja. Xhenxhefili dhe shelgu gjithashtu mund të lehtësojë inflamacionin dhe të zvogëlojë dhimbjen, por ato nuk janë një trajtim për vetë virusin.

Gargarë me ujë të kripur

Media shtetërore intervistoi së fundmi një çift që rekomandoi gargarën me ujë me kripë në mëngjes dhe në mbrëmje. “Një mijë ton kripë janë dërguar në Phenian për të bërë një zgjidhje antiseptike”, njoftoi agjencia shtetërore e lajmeve. Disa studime sugjerojnë që gargara dhe shpëlarja e hundës me ujë të kripur mund të luftojnë viruset që shkaktojnë ftohjen e zakonshme. Por ka pak prova që ato ngadalësojnë përhapjen e COVID.

Ilaçet kundër dhimbjeve dhe antibiotikët

Televizioni shtetëror i ka këshilluar pacientët të përdorin ilaçe kundër dhimbjeve si ibuprofen. Ibuprofeni dhe paracetamoli mund të ulin temperaturën dhe të lehtësojnë simptomat si dhimbja e kokës ose fyti, por nuk do ta pastrojnë virusin ose nuk do ta parandalojnë zhvillimin e tij./ BBC

/rtsh.al/