Rritja e taksave, gati per Kuvend

Tirane - Paketa fiskale me ndryshimet ne taksat e pasurive te paluajtshme ka marre miratimin perfundimtar nga komisionet parlamentare dhe eshte gati per miratim ne Kuvend. Keshilltari i Kryeministrit per Ekonomine, Petraq Milo dhe zv/ministri i Financave, Florion Mima, e mbrojten projektin e qeverise, qe parashikon ne disa raste trefishimin e takses se banesave, duke thene se ndryshimet ishin konsultuar me pare me grupet e interesit. Rritja e takses se infrastruktures nga 4 per qind ne 6 per qind dhe pagesa e taksave per ndertesat, jo sipas vitit te ndertimit, por per meter katror eshte kundershtuar nga deputetet socialiste ne Komisionin e Ekonomise, te cilet nuk i kane votuar ndryshimet, pavaresisht se propozimet jane bere nga ekspertet ne Bashkine e Tiranes. Keshtu, sipas projektit te qeverise, te gjitha banesat brenda unazes do te paguajne 65 leke per meter katrore takse, nderkohe qe ato qe ndodhen jashte unazes do te kene 45 leke takse. Nderkohe qe bashkite e tjera do te paguajne nje takse qe varion nga 12 ne 24 leke per meter katror. Ne nivelet e reja te taksave per ndertesat eshte hequr ndarja e tatimit te ndertesave sipas vitit te ndertimit, para dhe pas vitit 1993, duke parashikuar nje metode tjeter te percaktimit te takses, qe do te jete per meter katror. Ministria e Financave ka sqaruar se ne percaktimin e niveleve te reja te kesaj takse jane analizuar vlerat e takses aktuale me cmimet reale te shitjes se banesave. Ne rastin e Tiranes, cmimi mesatar i shitjes se ndertesave eshte 500-1200 euro per meter katror, ndersa niveli i takses se pasurise eshte shume i ulet, vetem 5 leke per meter katror. Pervec takses se banesave, drafti parashikon edhe vendosjen e nje takse te re per infrastrukturen ne masen 6 per qind per Tiranen dhe 4 per qind per bashkite e tjera, qe do te zbatohet te ndertimet e reja. Vendimi i qeverise per te rritur taksat ne sektorin e ndertimit e kane shqetesuar komunitetin e ndertuesve. Pak dite me pare, ata kane kundershtuar vendimin e qeverise, pasi prek ne menyre te ndjeshme interesat e industrise se ndertimit dhe per teper taksat jane rritur pa u konsultuar me pare me kete komunitet. Sektori i ndertimit po detyrohet te kaloje ne nje krize te thelle, per shkak te faktoreve qe nuk varen nga ai, por nga politikat fiskale, aspak te drejta qe ndermerren ndaj tij, deklaruan ndertuesit. Ne projektligjin e qeverise jane parashikuar aplikimi ne rritje i tri taksave, per te cilat kerkohet parapagim, duke rritur ne menyre te ndjeshme kostot e ndertimit dhe duke ulur aftesite financiare praktike te biznesit. "Me kete rritje te detyruar te cmimeve per shkak te politikave fiskale aspak te favorshme, deklarojme qe strehimi ne Tirane, por dhe ne rrethe, do te jete i pamundur per qytetaret", deklaruan ndertuesit. Me se shumti, ata jane shprehur kunder rritjes se nivelit te takses se ndikimit ne infrastrukture nga 4 ne 6 per qind, rritjes se takses se regjistrimit te pervitshem te mjeteve, si dhe futjes se nje detyrimi te ri dhe takses se truallit urban, te cilat, sipas tyre, do te risin cmimin e ndertesave. Sistemi i taksave ne sektorin e pasurive te paluajtshme ne vendin tone eshte ne fazen fillestare ne krahasim me vende te tjera te zhvilluara. Per kete qellim ne strategjine fiskale te qeverise ne tre vitet ne vazhdim eshte programuar rregullimi i taksave ne sektorin "Real Estate". Sipas projektit, taksat e pasurive te paluajtshme ne teresi do te rriten dhe do te kete edhe taksa te reja. Nje nder arsyet pse vemendja e tregut nderkombetar te pasurive eshte kthyer nga Shqiperia eshte per shkak te mungeses se disa taksave ne kete sektor, ose nivelit te ulet te tyre.

Efektet

Efekti pozitiv vjetor i rritjes se takses se nderteses ne buxhetin e shtetit do te jete 2.1 miliarde leke per vitin 2008 dhe si rezultat i rishikimit ne rritje te nivelit te takses te ardhurat vjetore kane nje pritshmeri me rreth 4.1 miliarde leke. Taksat e tokes dhe pasurive te paluajtshme do te vijne ne rritje.

Taksa e tokes

Projektligji sjell nivelet e reja treguese te takses mbi token bujqesore. Keto nivele jane rritur duke u dyfishuar, per shkak te nivelit te ulet aktual te kesaj takse. Ministria e Financave, thote se u analizuan te dhenat e nivelit te kesaj takse ne disa bashki, si Vlora, Lezha dhe Kucova, te siguruara nga Shoqata e Bashkise.

Taksa e infrastruktures

Ishte 4% per Bashkine e Tiranes u be 6%

Ishte 2% per komunat dhe rrethet e tjera u be 5%

Taksa mbi token bujqesore nga 5600 leke per hektar ne Tirane behet

11 mije leke per hektar

Taksa e Banesave

Ne Tirane ishte 15-30 leke u be 45 -65 leke