Rusi-Gjermani, gjermanët nuk i tremben barit artificial të stadiumit

Gjermania dhe Rusia do të përballen të shtunën në Moskë për eleminatoret e Kupës së Botës Afrika e Jugut 2010-të ndërsa lojtarët gjermanë shprehen se nuk ka shumë rëndësi bari artificial i stadiumit të Moskës që do të luhet ndeshja. Ndeshja do të zhvillohet në stadiumin 84 mijë vendësh Luzhniki. Gjermaninë dhe Rusinë i ndan vetëm një pikë ndërsa ka pasur rreth 200 mijë kërkesa për bileta nga rusët, por vetëm 84 mijë prej tyre do të kenë mundësi ta shohin ndeshjen në stadium.