Rusia dëbon “spiunin” izraelit
Rusia ka dëbuar një atashe ushtarak izraelit në Moskë me pretekstin se ai ishte agjent i fshehtë.
Lajmi është njoftuar nga burimet informative të ushtrisë izraelite duke saktësuar se koloneli, Vadim Leiderman u mor në pyetje 10 ditë më parë prej autoriteteve ruse. Meqënëse ai zotëron imunitet diplomatik, autoritetet ruse i dhanë 48 orë kohë për t’u larguar nga vendi.
Lajmi nuk është konfirmuar zyrtarisht prej autoriteteve ruse, ndërkohë që ato izraelite thonë se pretendimi i Moskës është krejtësisht i pabazë.