Rusia mbeshtetje Serbise ne hetimet per trafikimin e organeve ne Kosove
Shefi i diplomacise ruse Sergej Lavrov tha sot ne Beograd se raportet e Serbise me Rusine sa vijne e forcohen. Lavrov filloi sot viziten e tij treditore ne Ballkan. Fillmisht ai po qendron ne Beograd ku zhvilloi bisedime me homologun e tij serb Vuk Jeremic. Forcimi i marredhenieve mes Rusise dhe Serbise nuk rrezikon integrimet evropiane te Serbise thane Lavrov dhe Jeremic.
Po ashtu Lavrov deklaroi se Rusia do te mbeshtese iniciativen e Serbise per fillimin e hetimeve nen mandatin e KS te OKB-se per sic u shpreh ai tregtine ilegale me organe te njerezve ne Kosove. Lavrov takohet ne Beograd edhe me presidentin e Serbise Boris Tadic. Teme qendrore e bisedimeve do te jete bashkepunimi mes dy vendeve perfshire dhe raportet tregtare dhe ekonomike. Nje prej temave do te jete edhe Kosova.
Lavrovit i interesojne disa vende ballkanike
Ne oret e pasdites Lavrov vazhdon viziten e tij ne Mal te Zi ku ne Podgorice do te takohet me kryeministrin Igor Llukshiq presidentin Filip Vujanoviq dhe kryeparlamentarin Ranko Krivokapiq. Sipas njoftimeve nga ministria e Jashtme malazeze sot pritet te nenshkruhet Memorandumi i Bashkepunimit ndermjet Arkivit shteteror te Malit te Zi dhe Agjencise shteterore te arkivave te federates ruse. Ministri i Jashtem rus Sergej Lavrov gjate qendrimit te tij treditor ne Ballkan do te vizitoje edhe Maqedonine dhe Sllovenine.
Autor dpa/Esat Ahmeti
Redaktoi Angjelina Verbica