SHBA – Bisedime të reja paqeje izraelito-libaneze

TEL AVIV/BEJRUT, 20 prill /ATSH-DPA / – Bisedime në nivel ambasadorësh midis Izraelit dhe Libanit do të vazhdojnë në Uashington të enjten, raportuan mediet izraelite.

Nuk kishte konfirmim zyrtar të raporteve të publikuara sot nga faqja e internetit e lajmeve “ynet” dhe gazeta “Jerusalem Post”.

Ambasadorja e Libanit në Shtetet e Bashkuara të Amerikës, Nada Hamadeh Moawad, dhe Yechiel Leiter, ambasadori izraelit në SHBA, zhvilluan bisedime në Uashington pak më pak se një javë më parë në takimin e parë të drejtpërdrejtë midis përfaqësuesve nga të dy vendet në dekada.

Sekretari i Shtetit i SHBA-së, Marco Rubio, ishte i pranishëm.

Kryeministri izraelit Benjamin Netanyahu i sheh negociatat e drejtpërdrejta si një rrugë drejt një marrëveshjeje të qëndrueshme paqeje me Libanin.

Ai po bën thirrje për çarmatimin e milicisë Hezbollah të mbështetur nga Irani, e cila është e angazhuar në luftë të hapur me Izraelin.

Nga ana e saj, Bejruti po kërkon një armëpushim të qëndrueshëm dhe tërheqjen e trupave izraelite nga Libani jugor.

Izraeli ka krijuar një “zonë sigurie” të pushtuar në jug që Bejruti e sheh si një pushtim të territorit libanez.

Që kur një armëpushim 10-ditor hyri në fuqi në Liban herët të premten, ka pasur shpërthime të përsëritura dhune.

Gjatë gjashtë javëve të fundit, Hezbollahu dhe Izraeli kanë shkëmbyer zjarr.

Qeveria libaneze dhe forcat e saj nuk janë përfshirë. /Ad.Ab./  a.jor.