SHBA – Çmimet e energjisë, sidomos ato të benzinës, shënojnë rritjen më të fortë që nga viti 2005

UASHINGTON, 10 prill /ATSH-DPA/ – Lufta e Iranit e shtyu inflacionin në SHBA ndjeshëm më lart në mars, me çmimet e konsumit që u rritën me një ritëm vjetor prej 3,3%, raportoi sot Departamenti amerikan i Punës.

Kjo krahasuar me një normë vjetore prej 2,4% në shkurt.

Rritja u nxit nga një rritje e ndjeshme e kostove të energjisë të lidhura me konfliktin.

Çmimet e përgjithshme të energjisë u rritën me 10,9% nga muaji i kaluar, duke shënuar rritjen më të madhe që nga shtatori 2005.

Vetëm çmimet e benzinës u rritën me 21,2% nga shkurti në mars.

Çmimet për biletat e avionit, orenditë shtëpiake, arsimin dhe automjetet e reja gjithashtu u rritën, ndërsa çmimet për kujdesin mjekësor, kujdesin personal dhe makinat dhe kamionët e përdorur u ulën./  a.jor.