SHBA – Trump: Witkoff do të takohet me Putin për të finalizuar planin e paqes me Ukrainën

UASHINGTON, 25 nëntor /ATSH/ – Presidenti i Shteteve të Bashkuara, Donald Trump, ka njoftuar përmes platformës së tij Truth Social se ka urdhëruar të dërguarin Special, Steve Witkoff, të udhëtojë në Moskë për të diskutuar dhe për të finalizuar një plan paqeje me presidentin rus, Vladimir Putin, sipas Reuters.

Presidenti Trump tha se synon të përfundojë këtë marrëveshje dhe shprehu shpresën që së shpejti të takohet edhe me presidentin ukrainas, Volodymyr Zelensky, dhe me presidentin rus Putin, në mënyrë që të arrihet një marrëveshje e qëndrueshme.

Ky lëvizje ndodh në një periudhë tensioni ndërkombëtar, ku negociatat për paqe mes Rusisë dhe Ukrainës janë duke u monitoruar nga komuniteti ndërkombëtar.

Trump nuk dha detaje të mëtejshme për përmbajtjen specifike të bisedimeve të Witkoff, por theksoi rëndësinë e dialogut të drejtpërdrejtë mes palëve për të shmangur konflikte të mëtejshme. /Ad.Ab./