SHBA-Bolivi riparojne marredheniet
Bolivia dhe Shtetet e Bashkuara kanë rënë dakord për të rekuperuar tërësisht lidhjet diplomatike, tre vjet pasi ambasadori amerikan në La Paz u dëbua nga presidenti Evo Morales.
Në një marrëveshje të nënshkruar në Uashington, dy vendet u angazhuan mes të tjerash për të luftuar bashkarisht trafikun e drogës.
Presidenti Morales dëboi agjentët amerikanë të anti-drogës dhe më pas ambasadorin Philip Golderbg në vitin 2008, pas akuzave për komplot kundër qeverisë.
Por marrëdhëniet janë përmirësuar dhe vitin e kaluar filluan bisedimet për t’i riinstaluar ato.
Sipas një komunikate të Ministrisë së Jashtme boliviane, marrëveshja parashikon kthimin e shpejtë të ambasadorëve përkatës në Uashington dhe La Paz.
“Objektivat e marrëveshjes përfshijnë përforcimin dhe thellimin e marrëdhënieve dypalëshe, si dhe rritjen e bashkëpunimit kundër prodhimit dhe trafikimit të drogave ilegale”, thuhet në deklaratë.
Por dokumenti në fjalë nuk saktëson se kur agjentët amerikanë do të kthehen në Bolivi, që është dhe vendi i tretë në botë për prodhimin e kokainës.
Në vitin 2008, Morales, një kritik i politikave të Uashingtonit në Amerikën Latine, akuzoi zotin Goldberg se nxiti politikanët në lindje të vendit të kërkonin autonominë e kësaj zone.
Presidenti bolivian, që drejton edhe sindikatën e kultivuesve të kokainës në vend, dëboi agjentët amerikanë dy muaj më vonë. Si përgjigje ndaj kësaj, SHBA kthyen mbrapsht ambasadorin bolivian.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Bankat, vjen ligji që i shpëton nga kriza
Institucionet kthehen në filiale
Llogari në Bruksel për sigurinë e avionëve
Burrel, gruaja vret burrin me sëpatë
PS, kongresi i bashkimit apo përçarjes?
Berisha: Taksat nuk do të rriten