SHBA Nikolic politike te re me Kosoven
Drejtori i Programit të Sigurisë Ndërkombëtare në Këshillin Atlantik të Shteteve të Bashkuara, Damon Wilson ka deklaruar se Uashingtoni do ta vlerësojë presidentin e ri të Serbisë në bazë të politikave të tij.
Në një intervistë për versionin serb të “VOA”, Wilson ka thënë se Uashingtoni pret të shohë se çfarë politike do të ndjekë presidenti i ri në planin e brendshëm dhe në veçanti në atë të jashtëm, kundrejt Kosovës.
“Mendoj se Nikoliç do të ketë mundësinë për ta treguar këtë duke marrë hapa dhe masa konkrete përsa i përket dialogut të ndërmjetësuar nga BE me Kosovën dhe duke vazhduar reformat për progresin e mëtejshëm të vendit drejt BE-së”, ka thënë Wilson.
Zyrtari i lartë amerikan është shprehur më tej se Uashingtoni e respekton vendimin e qytetarëve serbë për zgjedhjen e Nikoliç president dhe shtoi se ndihet i inkurajuar nga prirjet e treguara deri tani prej tij, për vazhdimin e rrugës drejt BE-së dhe mungesën e retorikës shpërthyese me Kosovën.
Më herët gjatë muajit ishte zëdhënësja e Departamentit të Shtetit, Victoria Nuland që i bëri thirrje presidentit të ri të Serbisë, Tomisllav Nikoliç, që të punojë me Kosovën.
“Ne e inkurajojmë presidentin e ri të Serbisë që të respektojë stabilitetin rajonal dhe të punojë në mënyrë konstruktive me Kosovën”, deklaroi Nuland.
Ndër të tjera, zëdhënësja vlerësoi tendencat e Nikoliç për të ardhmen evropiane të Serbisë dhe në emër të DASH e ka inkurajuar atë që të arrijë këtë qëllim.
Vetë Nikoliç, i cili ka premtuar se do të jetë një president i të gjithëve, deklaroi javën e kaluar se do të qendrojë në rrugën europiane, pavarësisht se do të përballet me shumë sfida.
Në një intervistë për versionin serb të “VOA”, Wilson ka thënë se Uashingtoni pret të shohë se çfarë politike do të ndjekë presidenti i ri në planin e brendshëm dhe në veçanti në atë të jashtëm, kundrejt Kosovës.
“Mendoj se Nikoliç do të ketë mundësinë për ta treguar këtë duke marrë hapa dhe masa konkrete përsa i përket dialogut të ndërmjetësuar nga BE me Kosovën dhe duke vazhduar reformat për progresin e mëtejshëm të vendit drejt BE-së”, ka thënë Wilson.
Zyrtari i lartë amerikan është shprehur më tej se Uashingtoni e respekton vendimin e qytetarëve serbë për zgjedhjen e Nikoliç president dhe shtoi se ndihet i inkurajuar nga prirjet e treguara deri tani prej tij, për vazhdimin e rrugës drejt BE-së dhe mungesën e retorikës shpërthyese me Kosovën.
Më herët gjatë muajit ishte zëdhënësja e Departamentit të Shtetit, Victoria Nuland që i bëri thirrje presidentit të ri të Serbisë, Tomisllav Nikoliç, që të punojë me Kosovën.
“Ne e inkurajojmë presidentin e ri të Serbisë që të respektojë stabilitetin rajonal dhe të punojë në mënyrë konstruktive me Kosovën”, deklaroi Nuland.
Ndër të tjera, zëdhënësja vlerësoi tendencat e Nikoliç për të ardhmen evropiane të Serbisë dhe në emër të DASH e ka inkurajuar atë që të arrijë këtë qëllim.
Vetë Nikoliç, i cili ka premtuar se do të jetë një president i të gjithëve, deklaroi javën e kaluar se do të qendrojë në rrugën europiane, pavarësisht se do të përballet me shumë sfida.