SHBA apel Izraelit: Mos rreziko marrëveshjen e armëpushimit në Liban

I dërguari i SHBA-së paralajmëron Izraelin që të mos rrezikojë marrëveshjen e armëpushimit në Liban. Ambasadori i SHBA-së Lew paralajmëroi Izraelin që të mos shpërthejë çështje jashtë proporcionit në përpjekjen për të ruajtur armëpushimin me Hezbollahun.

“Izraeli e ka bërë të qartë se duhet të jetë në gjendje të mbrohet, por gjithashtu duhet të veprojë në një mënyrë që të mos marrë gjërat e vogla dhe t’i kthejë ato në gjëra të mëdha,” thotë Lew.

Që nga hyrja në fuqi e armëpushimit javën e kaluar, Izraeli ka kryer një sërë sulmesh në Libanin jugor në ato që ka thënë se ishin objektiva të Hezbollahut në shkelje të kushteve të marrëveshjes.

Franca dhe Libani kanë akuzuar Izraelin për shkelje të armëpushimit me këto sulme.

Krahas kritikës së tij delikate ndaj Izraelit, Lew thotë se “qeveria e Libanit duhet të fitojë gjithnjë e më shumë kontrollin mbi gjërat që po shkaktojnë ato përgjigje [nga Izraeli]”.

“Kjo do të marrë kohë dhe do të duhen ditë për të kaluar nëpër ulje-ngritje, por [armëpushimi] po mbahet” vazhdon ambasadori, duke shtuar se SHBA tani po udhëheq një mekanizëm të ri për të siguruar që marrëveshja mbahet dhe se shkeljet e supozuara adresohen në kohë reale.

I pyetur në lidhje me pretendimet nga zyra e kryeministrit Benjamin Netanjahu se SHBA kishte vendosur një embargo efektive armësh kundër Izraelit gjatë luftës, Lew përsërit mohimin e akuzës nga ana e administratës Biden.

/rtsh.al/