SHBA ben thirrje per qetesi ne Mitrovice
Qeveria amerikane përmes zëdhënësit ka kërkuar ndërprerjen e dhunës dhe vendosjen e qetësisë në Mitrovicë dhe në veri të Kosovës.
Në konferencën për media duke folur për incidentin tek Kroi i Vitakut në Mitrovicë, ku u vra një dhe u plagosën dy serbë, zëdhënësi i Departamentit të Shtetit ripërsëriti qëndrimin e Washingtonit për përmbajtje dhe ulje të tensioneve.
“Ne në përgjithësi duam të shohim qetësi dhe jo dhunë", tha zëdhënësi, Mark Toner.
Në New York ndërkaq zëdhënësi i Kombeve të Bashkuara, Martin Nesirky tha se autoritetet kompetente në Kosovë duhet të bëjnë hetim të plotë lidhur me rrethanat e incidentit. Zëdhënësi Nesirky përsëriti atë që kishte thënë edhe shefi i UNMIK-ut, Farid Zarif se incidentet e tilla ishin të papranueshme dhe mund të kërcënojnë paqen dhe sigurinë e Kosovës.
Incidenti i Mitrovicës, reagon Prishtina
Incidenti i së mërkurës mbrëma në lagjen “Kroi i Vitakut” të Mitrovicës, ku pas plagëve të marra vdiq një qytetar serb dhe dy të tjerë u plagosën, nuk do të ndikojnë në situatën e përgjithshmenë Veri.
Kështu deklarojnë në Qeverinë e Kosovës, por megjithatë, sipas zyrtarëve qeveritarë, incidente të tilla tensionojnë situatën në atë pjesë dhe nuk i kontribuojnë aktiviteteve të ekzekutivit.
“Qeveria e Kosovës ka shprehur keqardhje për një incident të tillë. Natyrisht, e dënojmë incidentin dhe kërkojmë nga organet e drejtësisë që ta kryejnë punën e saj. Incidentet ndëretnike apo edhe incidentet me motive të tjera, pa marrë parasysh cilat mund të jenë, madje në rastin konkret, janë diçka që e tensionojnë situatën dhe nuk i kontribuojnë aktiviteteve që po i bëjmë ne”, deklaroi Hajderin Kuçi, zëvendëskryeministër i Kosovës.
Duke folur për ndikimin që mund të kenë incidentet e tilla në dialogun Kosovë-Serbi, Kuçi ka kujtuar se dialogu është çështje mes dy shteteve, ndërsa incidentet, sipas tij, ndikojnë në fuksionalizimin e shtetit të Kosovës.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Nis gjykimi për deputetin e Limaj
Në Prishtinë ka nisur pas orës 10 gjykimi i deputetit të Partisë Demokratike të Kosovës Fatmir Limaj dhe 9 ish bashkëluftëtareve të tij, nën akuzën për krime lufte të kryera në fshatin Kleckë në 99-ën. Kërkime për autorët e vrasjes së serbit
Policia e Kosovës ka kryer bastisje në kërkim të autorëve të vrasjes së një serbi dhe plagosjes së dy të tjerëve, incident ky që ndodhi të mërkurën në mbrëmje në lagjen Kroi i Vitakut.
Tahiri: Menaxhim të integruar kufijsh
Shefja e delegacionit të Republikës së Kosovës në bisedimet teknike me Serbinë, Edita Tahiri, ka thënë se ideja e Bashkimit Evropian për menaxhimin e përbashkët të integruar të gjithë kufijve në mes të Kosovës dhe Serbisë si dy shtete fqinje, është e pranueshme për shtetin e Kosovës, pasi një marrëveshje e tillë është konform përcaktimeve kushtetuese të Republikës së Kosovës.
Jahjaga: Të vazhdojnë bisedimet me Beogradin
Presidentja e Kosovës, Atifete Jahjaga mbështet fuqishëm bisedimet Prishtinë-Beograd, të cilat kanë mbetur pezull që prej shtatorit. Prishtina paralajmëron Shkupin
Prishtina paralajmëron Shkupin se do të vendosë masa reciprociteti për mallrat nga Maqedonia si kundërpërgjigje ndaj vendimit të Qeverisë së Nikolla Gruevskit për bllokimin e importit të miellit nga Kosova.
Lajmet kryesore
Topi: Sa më parë dialogu mes partive
"Politika, jo peng e së shkuarës
“Belle Air”-“Alitalia”, ndizet konkurrenca
Energjitikë, prishen 12 koncensione
“Top Story”, krimet e luftës në Kosovë