SHBA i dhuron Agjencisë së Mbikëqyrjes Policore sistemin e menaxhimit të çështjeve
TIRANË, 11 tetor /ATSH/ Përfaqësues të Ambasadës së SHBA nga Byroja e Departamentit të Shtetit për Çështjet Ndërkombëtare të Narkotikëve dhe Zbatimit të Ligjit (INL) dhe Programi Ndërkombëtar i Departamentit të Drejtësisë i Ndihmës për Trajnimin për Hetimet Penale (ICITAP) iu bashkuan këtë javë drejtorit të Përgjithshëm të Agjencisë së Mbikëqyrjes Policore (POA), Florian Sulejmani për dhurimin dhe dorëzimin si ndihmë teknike të një Sistemi të Menaxhimit të Çështjeve (CMS) tek AMP.
Që nga viti 2020, Shtetet e Bashkuara kanë ofruar ndihmë teknike, trajnime dhe mentorim për AMP në mbështetje të misionit për të çuar përpara mbikëqyrjen policore, llogaridhënien dhe sundimin e ligjit.
Ceremonia theksoi mbështetjen e vazhdueshme të SHBA përmes dhurimit të pajisjeve teknike, softuerit dhe bazës së të dhënave për të rritur efikasitetin e Agjencisë së Mbikëqyrjes Policore në menaxhimin e hetimeve, inspektimeve dhe ankesave publike.
Dokumentet zyrtare u nënshkruan për të përfunduar transferimin 1.2 milion dollarësh të Sistemit të Menaxhimit të Çështjeve të AMP, duke shënuar një moment historik në transparencë dhe llogaridhënie.
Drejtori i AMP, Sulejmani njohu mbështetjen e ICITAP dhe INL për hetimet, inspektimet, verifikimin dhe programet e komunikimit të AMP në ndërtimin e besimit institucional dhe publik drejt integrimit në BE.
Lidhur me marrëveshjen e nënshkruar sot, Ministri i Brendshëm Ervin Hoxha, në një reagim në rrjetin social Facebook, thekson se; “Ndihma dhe asistenca e pandërprerë e Ambasadës së SHBA, përmes Byrosë së Departamentit të Shtetit për Çështjet Ndërkombëtare të Narkotikëve dhe Zbatimit të Ligjit (INL) dhe Programit Ndërkombëtar të Departamentit të Drejtësisë e Ndihmës për Trajnimin për Hetimet Penale (ICITAP) kanë ndikuar në rritjen e kapaciteteve hetimore të Agjencia e Mbikëqyrjes Policore”.
/j.p/a.f/
1 nga 4