SHBA komenton rrokadën në Rusi

Shtetet e Bashkuara të Amerikës reaguan të përmbajtura ndaj ndryshimeve të planifikuara të posteve në udhëheqjen shtetërore ruse.

“Politika e presidentit Barack Obama kundrejt Rusisë nuk varet nga individi që ndodhet në krye të shtetit”, sqaroi një zëdhënës i Shtëpisë së Bardhë në Uashington.

Amerika, vazhdoi ai, do t’i qendrojë ripërtëritjes së marrëdhënieve me Moskën edhe nëse kryeministri Vladimir Putin rikthehet në vitin 2012 në postin e presidentit.

Një ditë më parë, kreu aktual i shtetit Dmitri Medvedev propozoi paraardhësin e tij dhe kryetarin aktual të qeverisë, Putin si kandidat të partisë qeverisëse në zgjedhjet presidenciale të vitit 2012