SHBA, lajm i mirë për Obamën, ulet ndjeshëm papunësia

Papunësia në Shtetet e Bashkuara ra në muajin shtator në përqindjen më të ulët që prej janarit 2009. Sipas Departamentit të Punës, muajin e kaluar kuota arriti në 7.8 për qind, nga 8.1 për qind që ishte në muajin gusht. Të dhënat e fundit tregojnë gjithashtu se ekonomia amerikane shtoi 114 mijë vende të reja pune në muajin shtator, më shumë nga sa pritej duke parë gjendjen e tregjeve. Tregu i vendeve të punës në Shtetet e Bashkuara është një çështje kyçe në fushatën presidenciale.