SHBA orkestra e lap top-eve

Duke përdorur lap topët, orkestra e universitetit Prinston e përbërë nga mësues dhe studentë kanë dhuruar një muzikë elektronike të një lloji unik.
Studentët anëtarë të kësaj orkestre mësojnë të kompozojnë dhe të performojnë muzikë elektronike.
Tashmë klasa e muzikës e këtij universiteti është e impenjuar në përgatitjen e shfaqjes në fund të semestrit. Drejtori i kësaj orkestre shprehet se askush më parë nuk ka provuar të bëjë një gjë të tillë, prandaj ajo është unike.
Orkestar shpreson që të shpërndajë më gjerë konceptin e performancës muzikore duke sfiduar kufijtë e muzikës elektronike.
Falë performacës më së fundit ku instrumentet muzikore ishin lap topët, ky koncept ka nisur të përhapet.
Dhe universitete të tjera kanë orkestrat e tyre të lap top –ëve.
Dhe nuk duhet të dish të lexosh muzikën apo të shkruash në kod për të qenë pjesë e grupit mjafton të duash të shijosh muzikën.