SHBA protesta kunder armembajtjes

Ka qenë një demostratë e vogël por shumë domethënëse ajo në Uashington, para zyrave të shoqatës kombëtare të armëve. 
Tragjedia e një jave më parë ku një person vrau 20 fëmijë dhe gjashtë mësuese, ka vënë sërish në qendër të vëmendjes një ligj më të ashpër për armë mbajtjen në Shtetet e Bashkuara të Amerikës. 
Por në Uashington zia është kthyer në zemërim. 
Disa demokratë në kongresin amerikan kanë kërkuar hartimin dhe aprovimin e një ligji më të ashpër për armëmbajtjen. Por lobi amerikan pro armëve gëzon shumë mbështetje politike në vend. Duke shtuar këtu de të drejtën për të mbajtur armë që është e shkruar në kushtetutën amerikane, ata që janë në favor të mbajtjes së armëve nuk duket se do të hapin rrugë. 
Ndërkaq nxënësit e shkollave fillore në SHBA janë rikthyer në klasa nën masa të rrepta sigurie. 
Sipas të dhënave më të fundit rreth 12 mijë amerikanë vriten çdo vit me armë zjarri.