SHBA si Japonia, tërmeti rrezikoi probleme nukleare

Tërmeti 5.9 ballësh që tronditi të martën pjesën lindore të Shteteve të Bashkuara, duke detyruar autoritetet të evakuonin Kongresin dhe Pentagonin, ka shkaktuar shuarjen e dy reaktorëve bërthamorë në kontenë Luisa të Virxhinias, e cila ishte pranë epiqendrës së tërmetit. Sistemet e sigurisë së tyre u fikën menjëherë. Në centralin bërthamor “North Anna”, lëkundjet ndërprenë energjinë në disa zona, por u evitua përkeqësimi i situatës me ndezjen e burimeve alternative të energjisë, duke vënë kështu në funksion ftohësit.