SHBA-të rrisin presionin ndaj Iranit

Shtetet e Bashkuara të Amerikës po shtojnë presionin që Irani të heqë dorë nga programi i tij bërthamor.  Sipas ligjit të miratuar, kompanitë që kontribuojnë në kapacitetin prodhues të naftës së Iranit, nuk do të mund të tërheqin kredi, apo marrin ndihma të ngjashme nga institucionet financiare amerikane. Edhe pse Irani është vendi i tretë në botë për nga madhësia e burimeve të naftës, ngaqë mundësitë e përpunimit të saj i ka të kufizuara, importon 40% të benzinës që i nevojitet.