Samiti i KPE, Meloni: Marrëveshja për emigrantët në rrugën e duhur. Armëpushim i pakushtëzuar për Ukrainë-Rusi
Kryeministrja italiane, Giorgia Meloni ka mbërritur në Tiranë për t’iu bashkuar Samitit të Komunitetit Politik Europian.
Në një fjalë të shkurtër për media, Meloni vuri theksin te armëpushimi i pakushtëzuar mes Rusisë e Ukrainës, dhe te marrëveshja serioze në të cilën garantohet siguri ndaj Kievit.
“Mendoj se s’duhet të kërkojmë alternativa por duhet të këmbëngulim për armëpushim të pakushtëzuar, të këmbëngulim për marrëveshje serioze paqeje që të ketë garanci sigurie për Ukrainën”, deklaroi Meloni.
Kryeministrja italiane u pyet edhe për marrëveshjen e emigrantëve, duke thënë se puna vijon normalisht çka sipas saj, është tregues se gjithçka është në rrugën e duhur.
“Nuk kam pasur kohë të kaloj në Gjadër. Puna po vazhdon dhe kjo tregon shpejtësinë e funksionimit duke dëshmuar se në fund të fundit, sikurse kemi treguar, jemi në rrugën e duhur”, shtoi Meloni.
/rtsh.al/