Sarajevë, Plavsiç “zhvishet” nga titujt akademikë

"Biljana Plavsiç ka shkelur të gjitha normat etike, pedagogjike, morale dhe akademike, si edhe normat e sjelljes njerëzore. Për këtë arsye i hiqen të gjithë titujt akademikë në Universitetin e Sarajevës'', theksohej në një deklaratë të senatit të Universitetit të Sarajevës.
     
Plavsiç u dënua me 11 vjet burg për gjenocid, krime kundër njerëzimit, abuzime ndaj boshnjakëve myslimanë dhe kroatë në Bosnjë, gjatë viteve 1991 dhe 1992 dhe për shkeljen e Konventës së Gjenevës.

Gjatë kohës së qëndrimit në burg, ajo botoi librin "Dëshmi", ku akuzoi Radovan Karaxhiçin për luftën, por refuzoi të dëshmojë kundër tij.