Sarandë, kapet 253 kg kanabis që transportohej me kuaj në Greqi, 7 në pranga

Policia e Sarandës ka sekuestruar sot 253 kg kannabis ndërsa ka arrestuar 7 persona si dhe ka shpallur në kërkim një person i tjetër.
Burime nga policia bëjnë me dije se gjatë operacionit të koduar Sopoti janë arrestuar shtetasit Aleks Nanaj, 29 vjeç, Andrea Nanaj 27 vjeç, Gjergji Nanaj, 45 vjeç , Maridon Dhuli, 22 vjeç, Besnik Kasaj, 25 vjeç, Afrim Kasaj, 32 vjeç, Petrit Halimi, 21 vjeç si dhe është shpallur në kërkim 19-vjeçari Sobiel Dhuli.
Arrestimi i tyre u krye pasi nga kontrolli i ushtruar në banesën e shtetasit Andrea Nanaj në fshatin Kopacëz janë gjetur 253 kg lëndë narkotike e ngjashme me atë llojit kannabis sativa.
Nga hetimet intensive të kryera ka rezultuar se sasia e lëndës narkotike ishte transportuar me kuaj nga fshati Lazarat nëpërmjet malit të Sopotit deri në fshatin Kopacëz me qëllim për ta trafikuar më pas në drejtim të shtetit grek.