Segel-Diaz, miqësia kthehet në dashuri?

Janë bërë miq që kur interpretuan së bashku në filmin e vitit 2011 “Bad Teacher” dhe duket se tani Jason Segel dhe Cameron Diaz janë lidhur bashkë.

Dy aktorët janë parë në një restorant së bashku, sipas Life & Style Weekly. Një burim tha për revistën se Segel dhe Cameron dukeshin si dy zogj të dashuruar.

Janë apo jo të lidhur, aktorët do të kalojnë edhe më shumë kohë bashkë në muajt e ardhshëm pasi do të interpretojnë në filmin Sex Tape. Në film, Segel dhe Diaz luajnë rolin e një çifti të martuar të cilëve u humb një kasetë me pullë të kuqe që ka ata si protagonistë.

Është film për të rritur dhe unë kam humbur shumë kilogramë për rolin, tha Segel. P.K