Sejdiu për vizitë në Maqedoni

Presidenti i Kosovës Fatmir Sejdiu viziton sot Maqedoninë, me ftesë të homologut Gjorgje Ivanov. Ai do të qendrojë në Ohër ku po mbahet manifestimi Vera e Ohrit. Në këtë manifestim do të marrë pjesë edhe Presidenti i Shqipërisë Bamir Topi. Pak kohë më parë Sejdiu nuk u ftua në inagurimin e homologut të tij maqedonas, çka çoi edhe në ftohjen e marrëdhënieve të dy palëve. Marrëdhëniet u normalizuan në samitin jozyrtar rajonal në Vlorë, i mbajtur para tre javëve, në të cilin morën pjesë Presidentët e Shqipërisë, Maqedonisë, Kosova dhe Malit të Zi.