Sektori energjetik zhyt qeverine ne borxhe
Pertej premtimeve per investime disa miliarda euro ne projekte energjetike, qeveria duhet te perballet me realitetin e pamundesise per te rehabilituar sistemin, i cili ka ende probleme.
Ende pa mbyllur projektin 400 kv te linjes Tirane-Podgorice, i cili eshte me 6 muaj vonese, qeveria permes Operatorit te Sistemit te Transmetimit (OST) merr te tjera borxhe, kesaj here me vlere rreth 90 milione euro. Financimin e kane mbeshtetur gjermanet permes bankes KfW, por ndryshe nga heret e tjera, interesat jane sipas tregut, pra me te larta.
Behet fjale per tri projektet “Unaza e Jugut” dhe tjetri linja me Kosoven, te cilat prekin sistemin e transmetimit te energjise, qe aktualisht ndodhet ne kushte te dobeta. Problemi kryesor per Shqiperine eshte mungesa e linjave per te percjelle energjine e prodhuar nga hidrocentralet ose per te kryer import. Aktualisht vendi operon vetem me linjen e Greqise, 400 kv, ndersa me veriun kapacitetet nuk jane te plota.
Duke pare te dhenat e viteve te fundit mbi huamarrjen, duket qarte se sektori energjetik i ka kushtuar me teper qeverise, me vlera borxhesh gati gjysme miliardi euro.
Diskutimi i projektligjeve kaloi dje pa shume debate ne Komisionin Parlamentar te Ekonomise, edhe pse behej fjale per nje projekt me vlere financimi 90 milione euro. Pas paraqitjes se kater projekteve, anetari i komisionit, Sherefedin Shehu, kerkoi informacion rreth kapacitetit te shlyerjes se kredise nga ana e OST, si dhe ne cfare niveli paraqitet projekti i linjes 400 KV i Tirane-Podgorice.
Perfaqesuesi i OST-se, Ylli Demiraj, tha se projektet e reja qe po miratohen nga Kuvendi parashikohen te perfundojne brenda tre viteve, kurse linja 400 kv Tirane-Podgorice, e nisur disa vite me pare, perfundon para dhjetorit 2010 (projekti eshte 6 muaj me vonese). Projektet e miratuara dje do te financohen me interes kryesisht 3.5 per qind, nga rreth 2 per qind qe jepeshin dy vite me pare.