Serbi, arrestohen 9 persona për krime lufte në Kosovë

Të arrestuarit dyshohet se kanë qenë pjesëmarrës në për masakrën kundër më shumë se 200 shqiptarëve të Kosovës në vitin 1999.

''Të dyshuarit u përkasin njësive paraushtarake serbe “Cakali” ose kanë qenë rezervistë të policisë'', thanë burime pranë shërbimit të prokurorit serb për krimet e luftës, të cituar nga AFP-ja.

Ata dyshohen se kanë vrarë më shumë se 200 shqiptarë të Kosovës dhe se u kanë grabitur atyre edhe pasuritë në maj të vitit 1999, në fshatrat pranë qytetit të Pejës, në perëndim të Kosovës.