Serbia pret ndihmën e SHBA'së për Kosovën

Kryeministri i Serbisë, Ivica Daçiq, ka thënë se është në interes të vendit të tij që të vendosë marrëdhënie të mira me Shtetet e Bashkuara.

Ai i ka bërë këto komente gjatë takimit me ambasadorin e ri të SHBA-së në Beograd, Michael D. Kirby.

Daçiq po ashtu ka thënë se Qeveria e Serbisë angazhohet që problemet në Kosovë të zgjidhen me dialog.

Në këtë drejtim, ai ka thënë se pret ndihmën e Shteteve të Bashkuara që të arrihet një zgjidhje e drejtë dhe e qëndrueshme, "duke respektuar interesat legjitimë të serbëve dhe të shqiptarëve”.

Kirby, nga ana e tij, ka theksuar rëndësinë e krijimit të një klime të favorshme për investimet amerikane në Serbi, raportojnë mediat në Beograd.