Shekerinska: Bashkëpunimi NATO-BE, çelësi për stabilitetin në Ballkan
Zëvendëssekretarja e përgjithshme e Natos, Radmila Shekerinska, ka deklaruar se bashkëpunimi mes Aleancës së Atlantikut të Veriut dhe Bashkimit Evropian ka rezultuar produktiv për rajonin e Ballkanin.
Pas takimit me përfaqësuesin special të Bashkimit Evropian për dialogun mes Kosovës e Serbisë, Peter Sørensen, Shekerinska ka theksuar se vijim i bashkëpunimit mes NATO-s dhe BE-së është çelësi për ruajtjen e stabilitetit në rajonin e Ballkanit Perëndimor.
“Është kënaqësi të takohem me Peter Sørensen, përfaqësuesin special të BE-së për dialogun. Vazhdimi i bashkëpunimit NATO-BE është çelësi për ruajtjen e stabilitetit në rajonin e Ballkanit Perëndimor”, ka shkrua Shekerinska në rrjetin social X.
/rtsh.al/