Shërbimi Evropian i Ndryshimeve Klimatike: Temperaturat më të larta dhe ngjarje më ekstreme të motit e presin planetin Tokë
Temperaturat më të larta dhe ngjarjet më ekstreme të motit e presin planetin Tokë, sipas një raporti nga Shërbimi Evropian i Ndryshimeve Klimatike të Kopernikut ( C3S ), pasi globalisht tetë vitet e fundit kanë qenë më të ngrohtat e regjistruara, dhe 2022 ishte viti i pestë më i ngrohtë.
Gjetjet e raportit për kontinentin e vjetër demonstrojnë destabilizimin e konsiderueshëm të klimës në Evropë, pasi vera e vitit 2022 ishte vera më e nxehtë bope regjistruar.
Ajo që në fakt ka bërë përshtypje është fakti se Evropa Perëndimore është më e prekura nga kushtet e zgjatura të nxehtësisë, si për shembull në Mbretërinë e Bashkuar ku temperatura arriti mbi 40°C për herë të parë.
Temperaturat e larta dhe mungesa e vazhdueshme e reshjeve shkaktuan një thatësirë të konsiderueshme, e cila në kulmin e saj preku pjesën më të madhe të Evropës dhe lehtësoi përhapjen e zjarreve të mëdha në pyje.
Efektet e krizës klimatike vazhdojnë të prekin edhe Mesdheun, pavarësisht se Evropa Perëndimore ishte më e prekura në vitin 2022.
“Franca dhe Italia përjetuan thatësirë shumë të madhe deri në shkurt dhe temperatura shumë të larta, me pak reshje bore në zemër të dimrit. Mesdheu vazhdon të ngrohet, thjesht rajoni ynë, Ballkani jugor, nuk u prek nga temperaturat ekstreme të larta. Turqia për shembull, kishte një problem shumë të rëndë thatësire deri në mars ku kishte zona ku nuk kishte shi apo borë për 3 muaj rresht. Thatësira që i parapriu ndikoi edhe në përmbytjet që pasuan”, thekson raporti./CNN.gr
/rtsh.al/