Sherr masiv mes të rinjve në Vlorë, dy të plagosur (EMRAT)

Një sherr mes të rinjve në qytetin e Vlorës ka përfunduar me plagosjen e dy prej tyre.

Sipas informacioneve, të plagosur kanë mbetur shtetasit Sejdi Latifaj dhe Baftjar Llanaj, të cilët janë transportuar drejt spitalit me dëmtime në kokë.

Në konflikt kanë marrë pjesë mbi 10 persona, ndërsa janë përdorur edhe sende të forta, përfshirë edhe tulla.

Ngjarja e rëndë ka ndodhur në lagjen “Lef Sallata”, ndërsa pritet njoftimi zyrtar i policisë mbi ngjarjen.