Sherr ne PS e Sarandes, peticion Rames per manipulimin e zgjedhjeve Qamil Xhani

Procesi i zgjedhjeve te Forumit te Gruas se Partise Socialiste ne Sarande eshte shoqeruar me debate te ashpra dhe fyerje ne mbledhjen e djeshme te Asamblese se Partise Socialiste te ketij qyteti. Kryetarja aktuale e forumit, Vojsava Vasili, ka deklaruar gjate mbledhjes se procesi eshte manipuluar dhe eshte nxjerre nga gara padrejtesisht kandidatja Enkelejda Vasili. Per kete qellim, kryetarja aktuale e Forumit te Gruas, Vasili, dhe nje pjese e anetareve te Asamblese te Sarandes kane kerkuar miratimin e nje peticioni drejtuar kryesise se PS-se dhe kryesocialistit Edi Rama. Ne peticion eshte kerkuar nderhyrja per procesin zgjedhor duke e cilesuar ate si te manipuluar, thane burime nga PS-ja e Sarandes per gazeten "Koha Jone". Ne peticion eshte kerkuar dhe nje mocion mosbesimi ndaj kreut aktual te PS-se, Gjergj Merkuri. Sipas nje pjese te socialisteve, Merkuri ka abuzuar me detyren dhe nuk ka ndikuar per zgjedhjen e problemeve gjate procesit zgjedhor per Forumin e Gruas. Nje pike e peticionit drejtuar kreut te PS-se flet dhe per sqarimin e pozicionit te deputetes se qarkut Luiza Xhuvani. Sipas nenshkruesve te peticionit, deputetja se bashku me koordinatoren Rajmonda Gjoni kane nderhyre ne menyre te padrejte ne procesin e zgjedhjeve te Forumit te Gruas. Ne peticionin derguar Kryesise dhe kryesocialistit Rama ngrihen nje sere shqetesimesh qe lidhen dhe me zhvillimet e muajve te fundit ne degen e PS-se se ketij qytetit. Sipas nje pjese te Asamblese, drejtimi i PS-se po behet ne menyre klienteliste dhe po lihen jashte partise aktiviste me vlera dhe me kontribut qe nga themelimi i Partise Socialiste. Paraqitja e peticionit ne Asamblene e PS-se se qytetit Sarande ka sjelle replika te forta, te cilat kane arritur deri ne fyerje mes anetareve te Asamblese. Ne qender te tyre kane qene mbeshtetesit e kryetarit aktual, Gjegj Merkuri, dhe mbeshtetesit e kryetares ne detyre te Forumit Vojsava Vasili. Vasili ka kerkuar mbledhjen e Asamblese se Rrethit dhe reagimin e drejtuesve ne qender per situaten, ne te cilen po hyn PS-ja e Sarandes. Sipas saj, procesi i zgjedhjes se kryetares se Forumit te Gruas ishte i manipuluar dhe deputetja Luiza Xhuvani, se bashku me drejtuesit e tjere te deges se PS-se, kane degraduar procesin. Peticioni ka marre vetem firmat e nje pjese te anetareve te Asamblese, nderkohe qe pjesa tjeter e ka cilesuar te nevojshem. Por pavaresisht kesaj, nenshkruesit e peticionit kane deklaruar se do ta aderojne ate ne qender dhe kane kerkuar reagimin e drejtuesve me te larte te PS-se.

Zgjedhjet

Enkelejda Vasili dhe Mira Karalliu ishin dy kandidatet per kryetaren e Forumit te Gruas ne Sarande. Pas fillimit te gares, nje pjese e mbeshtetesve te Vasilit kane denoncuar procesin per manipulime dhe parregullsi. Enkelejda Vasili eshte terhequr nga gara duke lene vetem kandidaten Karalliu. Por, pavaresisht se procesi duhet te anulohej, drejtuesit e PS-se e kane cilesuar garen te rregullt. Kryetarja ne detyre e Forumit te Gruas, Vojsava Vasili, ka denoncuar ndikimin e deputetes Luiza Xhuvani, koordinatores Raimonda Gjoni dhe kreut te PS-se ne Sarande, Gjergj Merkurit, ne proces. Ajo u shpreh dy dite me pare se "Pjesemarrja e tyre ne votimin e forumit me duket nje amoralitet. Kam 20 vjet qe aderoj ne PS dhe nuk kam pare te tille dhune psikologjie dhe te tille terror", - tha Vasili.