Sherr në Pogradec, një i vrarë, arrestohet autori

Një sherr mes dy personash ka çuar në vrasjen e një personi në qytetin e Pogradecit.

Ngjarja e rëndë ka ndodhur mbrëmjen e djeshme në një bilardo në këtë qytet ku shtetasi Mentor Gjyra ka qëlluar me thikë Sulo Oparakun pas një sherri me këtë të fundit.

Menjëherë i plagosuri është dërguar në spitalin e Pogradecit por nuk ka mundur të jetojë si pasojë e plagëve të marra.
 

Ndërkohë autori është larguar menjëherë nga vendngjarja por pas kërkimeve të policisë u bë i mundur arrestimi i tij.

Ndërkohë policia ka nisur hetimet për zbardhjen e plotë të ngjarjes.