Greqia e interesuar te permiresoje rruget qe e lidhin me Shqiperine

Greqia po shfaq interes te permiresoje dy segmente te rendesishme rrugore qe lidhin qytetet greke fqinje me Shqiperine. Dhoma Teknike e Greqise nje ent publik grek qe merret me politikat e zhvillimit ka paraqitur se fundi iniciativat per te kryer permiresime ne dy segmente te rendesishme rrugore ate qe lidh Janinen me piken kufitare te Kakavijes dhe ate qe lidh bregdetin jon te Gumenices me piken e Qafebotes.

Ne anen shqiptare infrastruktura qe lidh Piken e Qafebotes me Saranden eshte ne perfundim e siper ndersa tashme superstrada Gjirokaster-Kakavije-Tepelene eshte ne punime e siper dhe pritet te lidhet me Fierin.

Dhoma Teknike e Greqise ka nisur negociatat me Ministrine greke te Infrastuktures per te siguruar financime per projektet. Sipas Dhomes Teknike synohet qe projektet te perfshijne lidhje me autostradat e medha te vendit per tu dhene ketyre rrugeve rendesine nderkombetare dhe duke synuar mundesite e financimeve nga Programet e Bashkimit Europian.

Sipas Dhomes Teknike te Greqise iniciativat synojne te lidhin keto segmente me superstraden qe lidh Gumenicen me Selanikun dhe Janinen me Athinen duke i dhene keshtu sidomos nje shtytje levizjes se fluksit turistik dhe kembimeve me te lehtesuara me Shqiperine fqinje.

Liberalizmi i vizave per qytetaret shqiptare ka sjelle nje dinamike te re ne Pikat e Kalimit kufitar me Greqine dhe ka nxitur vecanerisht rritjen e shekembimeve tregetare ne te dy anet e kufirit. Te dhenat zyrtare shqiptare thone se vetem gjate muajit janar te ketij viti ne Piken Kufitare te Kakavijes levizen drejt Greqise me pasaporta biometrike mbi 38 mije qytetare nga Shqiperia.