Sherr per korsine, perleshje ne qytet

Permet- Mosmarreveshjet per rrugen e makines jane bere shkak i perleshjes mes dy grupeve te te rinjve ne qender te qytetit te Permetit, duke kthyer panikun tek banoret. Per pasoje dy prej tyre pesuan lendime, kurse policia vendore ka shoqeruar njerin prej tyre. Sipas burimeve zyrtare ne Drejtorine e Policise ne Gjirokaster, ngjarja ka ndodhur oret e para te dites se djeshme, ne njeren prej rrugeve kryesore te qytetit te Permetit. "Ndersa ishin duke drejtuar automjetet, dy te rinjte me inicialet A. L., dhe S. T., banore te qytetit, jane grindur me njeri-tjetrin se kush duhet te hapte rrugen per te kaluar makinat", thone burime policore. Pas grindjes me fjale te dy te rinjte jane konfrontuar edhe fizikisht. Dyshohet se ne kete perleshje mund te jene perfshire edhe persona te tjere, pasi qytetaret kane pare me shume se dy persona. Por ne komisariat mesohet se vetem A. L., ka bere denoncimin per ngjarjen, duke pretenduar se eshte dhunuar me sende te forta. Agjentet kryen verifikimet e rastit dhe kane shoqeruar te dyshuarin me inicialet S. T., per krimin e "kanosjes" dhe "plagosjes se lehte". Organet e hetimit vazhdojne punen per zbardhjen e plote te kesaj ngjarje, duke mos dhene detaje te tjera deri ne perfundim te verifikimeve.

Blerim Kore