Shkarkohet Shehu kreu i ALUIZNI-t Tirane

Drejtori i legalizimeve për Qarkun e Tiranës, Ferdinand Shehu, është shkarkuar nga detyra me argumentimin se ka fshehur të shkuarën e tij në Shërbimin Informativ të Shtetit.

Mbajtës i posteve të rëndësishme në kupolën drejtuese të ALUIZNI-t, shkarkimi i Shehut ishte paralajmëruar ditë më parë nga një fjalim i Kryeministrit, i cili sulmoi publikisht punën e këtij institucioni.

Megjithatë, siç informon e përditshmja “Shqip”, motivacioni nuk u lidh me performancën e dobët në punë, por me të shkuarën në pozicionin e hetuesit në Ministrinë e Brendshme, i njohur gjatë periudhës së komunizmit si “sigurims”.

Arsyet e largimit dhe komunikimin e ka paraqitur vetë drejtori i përgjithshëm i ALUIZNI-t, Shaban Memia, i cili thotë se, ish-kreu i Tiranës nuk ka shprehur në CV-në e tij punën në organet e hetuesisë, “duke dëshmuar mungesën e integritetit personal”.
 
“...Ajo çfarë është më e rëndësishme lidhet me faktin sesi një funksionar publik ka mashtruar në mënyrë zyrtare organet emëruese, përmes manipulimeve në jetëshkrim, duke lënë jashtë tij, një eksperiencë pune 4-vjeçare si hetues, në hetuesinë e rrethit të Vlorës (Urdhër nr.8 datë 22.08.1988).

Pa përfshirë këtu periudhën 1-vjeçare të kryerjes së kursit, pranë Hetuesisë së Përgjithshme, gjithashtu e ‘fshirë’ nga jetëshkrimi”, deklaron Shaban Memia, kreu i përgjithshëm i ALUIZNI-t.

Sipas tij, në CV-në e Shehut nuk figuron aktiviteti si efektiv i Ministrisë së Brendshme (shkresa nr.272, datë 13.04.1992), në profilin e kriminalistikës. Memia thotë se kjo sjellje e vartësit të tij ka cënuar edhe perfomancën në zbatimin e detyrimeve ligjore.

I pyetur nga “Shqip” (përmes telefonit), Shehu e ka rrëzuar motivacionin, duke i cilësuar si të pavërteta dhe intriga dashakeqe.

“Andej nga ora 15:00 (dje) më është komunikuar urdhri i drejtorit të përgjithshëm për largimin nga puna, ndërsa motivacionin s’e kam mësuar ende zyrtarisht. Të jeni të sigurt se kur t’i marr vesh do të bëj sqarimin e duhur”, tha ish-drejtori për Tiranën.

Pas insistimit të gazetës për të mësuar më tej arsyet e largimit, Shehu tha se e kaluara e tij ishte tepër e pastër. “Më lejoni t’iu them se karriera ime ka qenë super e shkëlqyer, me suksese si në biznes, ashtu dhe në politikë. Jam tërësisht i pastër dhe do të vërtetohet shumë shpejt, pasi të shikoj me kujdes motivacionin zyrtar të largimit.

Viti ’88? Në atë kohë jam diplomuar në Fakultetin e Inxhinierisë, dega mekanikë. Për të tjerat janë vetëm histori pa lidhje. Nuk di se për çfarë periudhe flet drejtori i përgjithshëm”, u përgjigj Shehu.

Përtej dy qëndrimeve me sfondin e së shkuarës, ajo që lidhet me largimin e Shehut ka të bëjë me të tashmen: performancë e dobët në procesin e legalizimeve.

Nuk dihen arsyet pse kreu i ALUIZNI-t zgjodhi motivacionin e ‘ish-sigurimsit’ për shkarkimin nga detyra të njërit prej bashkëpunëtorit të tij më të ngushtë në drejtimin e procesit të legalizimeve, kur do të ishte më i drejtë komunikimi i largimit me punën e dobët.

Me sa duket, zbatimi i ligjit të lustracionit, edhe pse nuk është miratuar ende, ka nisur më herët zbatimin tek ALUIZNI.

if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));


Lajmet kryesore

Përvjetori i marrëdhënieve Shqipëri-SHBA
Berisha lapsuse nga emocioni
Azotiku, shteti humbi miliona euro
Hije skandali për makinat e vjetra
Censusi, minoritarët nuk bojkotojnë
Lehtësirat për biznesin, Shqipëria, vendi i 64-t