Shkatërrohet varri i zëvendësit të Hitlerit nga frika e neonazistëve

Varri i zëvendësit të Adolf Hitlerit, Rudolf Hes, është shkatërruar për të parandaluar përdorimin e tij si vend pelegrinazhi nga ana e neonazistëve.

Eshtrat e tij u nxorën të mërkurën nga varri në jug të Gjermanisë.

Ato do digjen dhe do hidhen në det.

Hes ishte dënuar me burgim të përjetshëm. Ai vrau veten në burgun e Berlinit në moshën 93 vjeçare në vitin 1987.

Me kërkesë të tij, ai u varros në Vunsidel në Bavari. Por banorët lokalë janë shqetësuar nga grumbullimi i grupeve të ekstremit të djathtë tek varri i tij.

Një gjykatë vendosi ndalimin e grumbullimeve aty, por kjo pati pak efekt.