Shkodër – Ura e Vrakës ndotet nga mbetjet, banorët kërkojnë të merren masa

Është ndërhyrë disa herë në këtë zonë për pastrimin e saj, por sërish mbeturinat urbane deri tek ato inerte janë rikthyer duke ndotur ambientin përreth.

Bëhet fjalë në zonën që ndan fshatrat Gril dhe Boriç i Madh, në Bashkinë e Malësisë së Madhe.

Duke qenë një vijë ndarëse mes dy bashkive asaj të Shkodrës dhe të Malësisë së Madhe, iniciativat nga titullarët e bashkive nuk kanë qenë të shpeshta.

“Shkaktarët janë ato njerëz që vijnë dhe hedhin mbeturinat, bllokojnë rrugën dhe nuk e dimë si ta zgjidhim këtë problem”, u shpreh një prej banorëve.

“Është shumë shqetësuese për ne që jetojmë këto por edhe për turistët që kalojnë”, u shpreh një tjetër banor.

Problemi i menaxhimit të mbetjeve vijon të jetë një sfidë për institucionet.

Gazetar: Mirsad Rakaj

/rtsh.al/