Shkodër/ Konviktet janë gati, godinat e rikonstruktuara do presin 450 studentë

Ndërmarrja e trajtimit të studentëve pas ndërhyrjeve që kanë bërë për përmirësimin e kushteve, ka hapur dyert për të pritur studentë.

Administratorja, Sindis Kopliku tregon se stafi ka zhvilluar disa takime edhe në fakultete të ndryshme me qëllim jo vetëm promovimin, por edhe njohjen e studentëve me kushtet dhe shërbimet që ofron kjo njësi akomoduese.

“Ka patur një ndërhyrje nga fondi Shqiptar i Zhvillimit e cila shihet dukshshëm që janë kushte mjaft të favorshme. Aktualisht kemi kontaktuar me të gjitha degët e universitete për informacione rreth studentëve që janë jashtë rretheve të Shkodrës”, tha Kopliku.

Godina numër 1 dedikuar djemve dhe godina nr 2 për vajza kanë kapacitet deri në 450 shtretër.

Rritja e çmimit të shtëpive me qira pritet të japë ndikim pozitiv për regjistrimet në konvikt.

Kjo ndërmarrje u inspektua edhe nga Kryebashkiaku Benet Beci i cili premtoi se do të ketë një vëmendje të shtuar ndaj këtyre njësive akomoduese.

Gazetar: M. Gjoni

/rtsh.al