Shkoder evakuohen 8 mije banore

Qytetit po i afrohet uji cdo moment e me shume drejt qendres ndersa ne fshatra niveli i ujit ne disa vende i kalon 3 meter. Shiu vazhdon te bjere ne qendren e veriut te vendit dhe shkarkimet nga hidrocentralet kane ardhur duke u rritur duke bere qe siperfaqja e permbytur te rritet gjithnje e me shume. Gjate dites se djeshme mesohet se siperfaqja e permbytur nga uji i kalonte 13 mije hektaret mbi 2500 shtepi te rrethuara nga uji ndersa 2100 te tjera te pabanueshme pasi jane permbytur plotesisht. Sipas prefektit te Shkodres Maxhid Cungu mbi 8 mije banore jane evakuuar nga Ana e Malit Bushati Berdica Dajci dhe nga Bashkia Shkoder. Ne dispozicion te Shtabit te Emergjencave Civile ne Shkoder jane vene disa objekte per strehimin e personave te evakuuar ndersa shkollat nuk funksionojne me. Problem per banoret e mbetur ne keto zona eshte furnizimi me uje te pijshem dhe me energji elektrike pasi stacionet e pompave te fshatrave te Nenshkodres jane totalisht jashte funksionit ashtu si dhe kabinat elektrike. Depertimi i ujit neper kabina transformatore si dhe renia e percjellesve elektrike ne siperfaqe ujore ka detyruar nenstacionet qe te stakojne energjine ne keto zona me qellim qe te evitojne ndonje fatkeqesi te padeshirueshme tek banoret e ketyre zonave. I gjithe qyteti i Shkodres eshte izoluar nga zonat e tjera te vendit si dhe me Malin e Zi pasi niveli i ujit vazhdon te rritet. Situata pritet te jete tejet e veshtire gjate dites se sotme pasi shiu ka vazhduar dhe gjate oreve te mbremjes se vone duke mos krijuar asnje fije shprese per banoret. Kjo gjendje ka detyruar qeverine ti kerkoje ndihme NATO-s per permbytjet ne veri te vendit. Burime nga Ministria e Brendshme bene te ditur dje per gazeten Panorama se Drejtoria e Pergjithshme e Gjendjes Civile i eshte drejtuar Aleances per te ndihmuar vendin me helikoptere. Por burimet saktesojne se deri tani nuk ka ardhur asnje pergjigje per shkak te situates se rende te permbytjeve ne te gjithe Europen. Drejtoria e Pergjithshme e Emergjencave Civile ashtu si edhe ne janar edhe kesaj radhe i eshte drejtuar per ndihme Qendres se Emergjencave Civile prane NATO-s. Thirrja automatikisht u shkon te gjitha vendeve anetare. Thirrja per ndihme ka qene kryesisht per helikoptere. Deri tani nuk eshte pergjigjur asnje prej vendeve per shkak te situates se renduar qe mbizoteron ne te gjithe Europen bene te ditur mbreme burimet nga Ministria e Brendshme. Bllokohen studentet e Malit te Zi

Permbytja e rrugeve te qytetit si dhe e akseve nacionale ka bere qe per rreth 2 ore studente nga Mali i Zi te cilet studiojne ne universitetin Luigj Gurakuqi te qendrojne prane shtabit te prefektures derisa ushtria u ka vene ne dispozicion nje kamion transporti. Rreth 50 studente nga trevat shqiptare kane tentuar qe te nisen ne shtepite e tyre pas pezullimit te mesimit nga situata e permbytjeve. Por ata jane befasuar kur kane mesuar se autobusi i linjes Shkoder-Ulqin nuk leviz dot pasi rruga ka uje. Kane provuar qe te marrin taksi por asnje prej drejtuesve nuk ka marre persiper qe ti kaloje matane kufirit. Ata iu drejtuan Shtabit te Emergjencave Civile dhe me nderhyrjen e prefektit
Cungu ata u transportuan drejt Hanit te Hotit me
2 kamione ushtrie e me pas drejt banesave te tyre. Ushtria shperndan ndihma

Nje sasi prej 9.5 tonesh ndihma me ushqime dhe uje u shperndane dje nga Forcat e Armatosura ne Bashkine e Shkodres dhe ne komunat qe ndodhen ne gjendje te renduar nga permbytjet. Nga burime te Ministrise se Mbrojtjes behet e ditur se sasi te ndryshme ushqimesh dhe uji jane ndare ne pika te ndryshme ne Shkoder ku jane evakuuar banoret ne komunat Gur i Zi Dajc Bushat etj. Nje anije eshte nisur nepermjet Shengjinit per ne Velipoje me nje sasi prej 400 pakosh ushqime dhe 4 ton uje por per shkak te motit te keq eshte detyruar te kthehet pas pa mundur ti shkarkoje. Banoret e zonave te permbytura kane nisur te kerkojne ndihma ne ushqime dhe uje pasi e kane te pamundur te qarkullojne per ti siguruar vete keto nevoja. KESH ul shkarkimet nga Vau i Dejes me 150m3/s

Situata ne kaskade

Fierza
Prurjet 1100 m3/s
Niveli i liqenit 290.8 metra
Niveli maksimal 296 metra
Derdhjet porta 900 m3/s

Komani
Prurjet 750 m3/s anesore
Niveli i liqenit 170.1 metra
Niveli maksimal 175 metra
Derdhje porta 1200 m3/s

Vau i Dejes
Prurjet 600 m3/s anesore
Niveli i liqenit 74.55 metra
Niveli maksimal 76 metra
Derdhjet porta 2780 m3/s

Frike nga Buna po mu mbyten bagetite do te mbytem edhe vete

SHKODER - E ka shtepine vetem 50 metra larg lumit Buna dhe po e perjeton situaten me frike dhe dhimbje. Banesen e ka te rrethuar nga uji por i trembet furise se prurjeve qe mund ta mbulojne komplet godinen si dhe hajduteve qe mund te perfitojne nga kjo gjendje. Pjeter Darragjati banor i fshatit me te njejtin emer ne komunen e Dajcit thote se dy net me pare ka nxjerre bashkeshorten dhe dy femijet e tij qe jane strehuar tek disa te aferm te tyre nderkohe qe vete ai eshte kthyer prane shtepise edhe pse e di se luan me rrezikun e jetes. Qe prej 6 ditesh uji na permbyti shtepine pohon per gazeten Pjeter Darragjati. Kam tri dite qe kerkoj ndihme qe dikush te me shpetoje te vetmen pasuri qe kam por vetem heshtje. Shyqyr Zotit qe kisha nje varke te shtepia se per shtetin isha mbyt krejt shprehet Darragjati banor i zones me te njejtin emer. Ai i ka futur kafshet brenda shtepise ndersa vete qendron ne distance ne nje zone me te larte ku nuk ka arritur uji.
Perse qendroni ketu ne mes te rruges
Une dhe disa te tjere pasi kemi larguar te afermit tane po u bejme roje banesave tona nga larg se mos ndokush kerkon te perfitoje nga largimi yne dhe te na vjedhe ate pak pasuri qe kemi brenda ne banese edhe pse te lagura dhe te perbaltura. Kush ka varke ben pune ndersa te tjeret rrine me shprese tek Zoti. Kane thene se ka nje varke ushtrie per te larguar banoret e zones sone por askush se ka pare se ku eshte fshehur ajo varke.
Ku i keni pjesetaret e familjes tuaj
Ata kam dy dite qe i kam larguar dhe i kam strehuar tek miqte e mi ne Berdice. Por une nuk mund te iki prej ketej. Kam bagetite. I kam futur ne nje prej dhomave te shtepise derisa te na ike uji. Jane e vetmja pasuri qe me ka mbetur. Nuk e di nese marrin fryme apo jo.
Ju rrezikoni jeten duke qendruar ne keto kushte
Jeta jone pa bagetite dhe pa ate pak pasuri qe kemi blere deri tani eshte e mbaruar. Pa bagetite nuk kemi me jete se nuk jemi ne gjendje ti blejme me. Per ate shtepi qe duket dhe qe vetem pak kohe me pare e kam perfunduar akoma nuk kam i kam lare borxhet e saj. Prandaj kam frike se po me ikin dhe bagetite ato pak kafshe qe na mbajne frymen gjalle. Nuk kam rruge tjeter vetem te mbytem dhe une ne uje.
Sa here jeni permbytur
Edhe ne janar u permbytem por jo keshtu. Kjo eshte hera e dyte qe ne jemi permbytur dhe kemi pesuar deme te pallogaritshme. Por jam bere 60 vjec e nuk kam pare keshtu uji. Nuk e di se si do te shkoje kjo pune. Dikush thote e ka fajin qeveria dikush tjeter e ka fajin Zoti. Ne nuk po dime ke te besojme. Por ata qe po demtohen jemi ne te varfrit. r.d

SHKODER/RIDVAN DIBRA