Shkodër, ndalohen 14 klandestinë somalezë

Policia e Shkodrës ka ndaluar 14 shtetas të huaj të cilët kishin kaluar ilegalisht kufirin.

Burime nga policia bëjnë me dije se të ndaluarit, 10 meshkuj, 3 femra dhe 1 fëmijë janë shtetas nga Somalia.

Sipas policisë klandestinët u kapën në vendin e quajut gryka e Shegës teksa po tentonin të kalonin ilegalisht kufirin për në Malin e Zi.

Identifikohet kufoma e Liqenit të Shkodrës

Gjithashtu policia bën me dije se është identifikuar kufoma e gjetur dje në Liqenin e Shkodrës, në faërsi të fshatit Hot të Malësisë së Madhe.

Sipas policisë bëhet fjalë për shtetasin Lakit Ali i cili dyshohet se mund të jetë mbytur.

Policia thekson se në veshjet e viktimës janë gjetur dokumente në gjuhën greke me identitetin Lakit Ali.

Ndërkohë kufoma është transportuar në morgun e kryeqytetit ndërkohë që materialet i kanë kaluar prokurorisë së rrethit Shkodër për hetimet të mëtejshme.