Shkolla rrezikon shembjen nga themelet

Durres- Shkolla 9-vjecare e Golemit rrezikon te shembet nga casti ne cast si pasoje e rreshkitjes se dheut dhe themelit. Megjithese gjendja e objektit nuk garanton siguri, 700 nxenes te kesaj shkolle vijojne mesimin me dy turne. Komisioni i perbere nga specialiste te zyres se urbanistikes, ka ndjekur ne vazhdimesi situaten e krijuar ne shkollen 9-vjecare nga demtimi i themeleve te godines ka pesuar carje te shumta ne soleta dhe mure, kurse rikonstruksioni i saj shihet i veshtire per t'u realizuar. Kjo ndodh per shkak se edhe ne te kaluaren jane bere rikonstruksione te pjesshme dhe ato nuk e kane penguar demtimin e themeleve. Drejtori i shkolles, Sulejman Hidri, krahas veshtiresive qe has ne mesimdhenie, pohon se duhet te merren masa emergjente rreth kesaj situate, pasi sipas tij rrezikohet jeta e 700 nxenesve. "Ne te shumten e rasteve jemi te detyruar te bejme mesim me ore te shkurtuara, si dhe te procedojne me dy turne, per shkak te kushteve te pafavorshme te shkolles", thote Hidri. Krahas shqetesimit dhe mungese se sigurise qe drejtori i kesaj shkolle ngre, i jane bashkangjitur edhe 700 nxenesit e shkolles, te cilet ndihen te frikesuar sa here qe shkojne per te mesuar. Pas debateve dhe diskutimeve me specialistet, eshte vendosur qe te ndertohet godine e re dykateshe. Ne mbledhjen e komunes eshte paraqitur edhe relacioni per dhenie mendimi per nxjerrjen jashte funksionit te shkolles aktuale ne Golem.

E. Arapi