Shkurtohen 65 persona, naftetaret ne proteste

Rreth 65 punonjes te kompanise shteterore te naftes "Albpetrol" kane protestuar per afro dy ore perpara ambienteve te kesaj ndermarrjeje. Protesta filloi mengjesin e djeshem, pas publikimit te listes me 65 personat, te cileve u shkurtohen vendet e punes. Shkurtimi pritet te preke rreth 1760 punonjes te kompanive shteterore "Albpetrol" e "Armo", te cilat do te ristrukturohen ne prag te privatizimit. Naftetaret protestues kercenojne per pershkallezim te protestes, ndersa drejtues te dy kompanive te naftes shprehen se ne ditet ne vijim do te publikohen edhe emrat e tjere te punonjesve, qe do te preken prej reformes. Publikimi i 65 emrave te pare te punonjesve qe do te lene vendin e punes eshte bere mengjesin e djeshem prane Termocentralit Energjetik te Ballshit si dhe Uzines se Perpunimit te Naftes ne kete qytet. Lista eshte afishuar ne nje nga hyrjet kryesore te Uzines se Naftes dhe naftetaret qe kane pasur emrin ne te jane mbledhur ne sheshin perpara drejtorise se tyre, duke kerkuar drejtesi dhe respektim te pervojes dhe kualifikimit ne pune. "Po largojne punonjesit qe regjistrojne me shume se 35 vjet pune ne nafte dhe po mbajne ata qe kane vetem pak muaj e qe i kane marre nen statusin e militantit", tha Dashmir Dervishaj, nje nga naftetaret e prekur nga reforma. Protestuesit kane kerkuar rishikim te listave te punonjesve qe do te shkurtohen si dhe studim te hollesishem, jo vetem te pervojes se tyre, por edhe te arsimit. Ata kane kercenuar me protesta masive, ku do te dalin se bashku me familjet e tyre. "Do te protestojme deri perpara godines se Kryeministrise, pasi po flaken ne rruge specialiste dhe po mbahen militante te punesuar gjate dy vjeteve te fundit", thane pjesemarresit ne protesten e djeshme. Burime nga Kombinati i Perpunimit te Thelle te Naftes ne Ballsh bene te ditur se gjate diteve te ardhshme do te afishohet edhe lista me 610 emra te tjere personash, te cilet do te shkurtohen gjate reformimit te ndermarrjes. Drejtues te "Albpetrolit" jane shprehur se "eshte e nevojshme nderhyrja me reforme ne sektorin e naftes, me qellim zhvillimin e teknologjise se ketij sektori".

Xhemil Beharaj