Shoferet bllokojne rrugen, nderhyn policia
Linjat e furgonave qe nga Elbasani, Pogradeci e Korca, kane ndaluar udhetimin duke krijuar nje kaos ne levizjen e udhetareve. Nderkaq qe probleme jane hasur dhe ne udhetimin e njerezve ne drejtim te doganes se Kapashtices dhe asaj te Qafe-Thanes, ku furgonet e linjave nuk kane derguar njerezit ne destinacionet e kerkuara. Gjithcka ka nisur disa dite me pare, kur shoqata e furgoneve taksi te Elbasanit ka dale ne proteste duke kundershtuar vendimin e policise rrugore te kryeqytetit. Nderkaq qe dy dite me pare, drejtuesit e furgoneve taksi te qytetit te Korces, kane bllokuar per disa minuta rrugen duke protestuar ndaj policise rrugore ne Tirane, e cila u ka vene gjoba te ndryshme, nderkohe qe nuk i lejon dhe te marrin pasagjere nga Tirana ne drejtim te qytetit juglindor. Nderkohe qe nje dite me pare furgonet taksi kane tentuar te bllokojne Qafe-Krraben gjate protestes se tyre per heqjen e rregullit te kthimit pa pasagjere nga Tirana per ne Elbasan. Prej disa ditesh, ky sherbim eshte hedhur ne proteste pa afat kunder veprimeve te policise rrugore ne kryeqytet. Drejtuesit e furgoneve kane pritur dje pergjigjen e prefektit Rezart Kovaci, i cili eshte perpjekur te negocioje per te zgjidhur problemin. Por, deri tani, asnje nga strukturat pergjegjese nuk u ka dhene te drejte shofereve. Sindikata dhe pronaret e furgoneve kane lajmeruar policine se do te bllokojne rrugen nacionale Elbasan-Tirane ne Qafe-Krrabe. Dje, drejtuesit e furgoneve taksi, kane tentuar te bllokojne rrugen, por nuk jane lejuar nga policia, ndersa jane shoqeruar per ne komisariat 15 shofere, te cilet nuk lejuan furgonet taksi te Tiranes te ngarkohen me udhetare.
F.S