Shperthen bombola e gazit, vdes ne spital kryefamiljari

BERAT- Shperthimi i nje bombole gazi gjate montimit ne pajisjet elektro-shtepiake, i ka kushtuar jeten nje 42-vjecari ne qytetin e Beratit, ndersa jane plagosur gruaja dhe mbesa e tij. Roland Hila humbi jeten mbremjen e djeshme ne repartin e djegieve, ne Spitalin "Nene Tereza" ne Tirane, ku u dergua ne gjendje te rende per jeten. Ngjarja ndodhi tre dite me pare ne banesen e familjes, prane dhomes se gatimit, ne lagjen "Kodra e Sulmit". Trupi i pajete i 42-vjecarit, mberriti ne banesen e tij pak ore me pas, nga ku dhe u percoll per ne banesen e fundit. Kryefamiljari sipas hetimeve te policise, mesohet se kishte montuar nje bombol te re gazi. Gjate montimit eshte shkaktuar rrjedhje dhe me pas, eshte degjuar nje shperthim i fuqishem. Si rezultat mbeten te plagosur rende 42-vjecari Roland Hila, mbesa e tij 10-vjecare qe ndodhej per pushime dhe bashkeshortja e te ndjerit. Te tre te plagosurit, u derguan fillimisht per ndihme prane spitalit te Beratit. Por, per shkak te gjendjes teper te rende shendetesore te 42-vjecarit dhe vogelushes E. Hila, mjeket vendosen dergimin e tyre drejt Spitalit "Nene Tereza" ne Tirane. Bashkeshortja L. Hila, pas marrjes se ndihmes mjekesore, u largua per ne banese. Vogelushja behet e ditur, se ndodhet ende nen nje kurim intensiv te mjekeve.

E. Hazizolli

Rrefimi

Bashkeshortet Hila por dhe mbesa e tyre, sipas rrefimit te te mbijetuares, ne momentin e shperthimit gjendeshin ne dhomen e gatimit, ku ndodhi dhe shperthimi fatal per 42- vjecarin Roland Hila. Ai ka marre djegie te shumta ne trup dhe fraktura nga forca e shperthimit tragjik.