Shpronesim pronareve te tokes ne Korce- Qafe Plloce

Qeveria ka miratuar në mbledhjen e radhës një fond prej 75 milionë e 220 mijë lekë, i cili do të përdoret për të kompensuar familjet që do të shpronësohen nga ndërtimi i rrugës Korçe- Qafe Plloçe.

Sipas vendimit të qeverisë, ndërtimi i kësaj rruge kërkon shpronësimin e një sipërfaqe toke prej rreth 160 mije metër katrorë dhe sipërfaqe trualli prej 5 mijë metër katrorë.

Vendimi përcakton se vlera mesatare që do të përfitojë një pronar i shpronësuar për sipërfaqen e tokës do të jetë rreth 3 90 lekë për metër katrorë.

Ndërsa për truallin vlera mesatare e kompesimit do të jetë 2 500 lekë për metër katrorë. Sipas vendimit shpronësimi do të fillojë në datën 15 të këtij muaji dhe do të përfundojë brenda datës 30 dhjetor të këtij viti.