Shqipëri: Problemet me pronat dhe investimet në Kakome
Në Gjirin e Kakomesë, në bregdetin jugor të Shqipërisë, kanë nisur punimet për ndërtimin e një fshati turistik. Pas disa vitesh tensionesh mes banorëve dhe kompanisë ndërtuese punimet po vijojnë me rrethimin e zonës dhe ngritjen e kantierit. Banorët e fshatit Nivicë thonë se toka ku po ndërtohet fshati turistik u përket atyre, ndërkohë që një vendim gjyqësor ua ka hequr këtë të drejtë. Konflikti për çështjet e pronave shihet si një nga problemet më të mëdha për investimet në zonën e bregdetit. (ze)