Shqipëria U-21 fiton 1-0 me PartizaninMe këtë takim trajneri Artan Bushati mbylli dhe grumbullimin 3-ditor me Shpresat ku testoi 19 lojtarë nga kampionati shqiptar, përfshirë Ditmar Bicin e Belasica në Bullgari.

Shqipëria U-21 fitoi 1-0 miqësoren me Partizanin, në ndeshjen e zhvilluar në Kompleksin stërvitor të ekipeve Kombëtare në Kamëz. Ndeshja u vendos nga një autogol i zëvendësuesit Ilirjan Mërtiri i Partizanit në minutën e 80-të.

Me këtë takim trajneri Artan Bushati mbylli dhe grumbullimin 3-ditor me Shpresat ku testoi 19 lojtarë nga kampionati shqiptar, përfshirë Ditmar Bicin e Belasica në Bullgari.

Shqipëria U-21 do ta nisë aventurën e saj në ndeshjet kualifikuese të Kampionatit Europian U-21 2001 me një ndeshje kundër Skocisë, më 28 mars 2009, takim që do të luhet në Shqipëri.

Në Grupin 10, Shqipëria ka kundërshtar edhe Bjellorusinë, Austrinë e Azerbajxhanin. Ndeshjet fillojnë, më 28 mars dhe përfundojnë më 7 shtator 2010.

Shqipëria U-21 në dy ndeshjet e kualifikueseve të kaluar të Kampionatit Europian 2009 me Azerbajxhanin barazoi 1-1 në Baku dhe 0-0 në Vlorë.

KALENDARI
28.03.2009: Shqipëri-Skoci
01.04.2009: Skoci-Shqipëri
05.09.2009: Shqipëri-Azerbajxhan
09.09.2009: Austri-Shqipëri
14.10.2009: Bjellorusi-Shqipëri
13.11.2009: Shqipëri-Austri
17.11.2009: Shqipëri-Bjellorusi
04.09.2010: Azerbajxhan-Shqipëri

E Enjte, 12 Shkurt 2009