Shtesa buxhetore, 200 milione USD investime te reja
Buxheti suplementar prej rreth 300 milione dollaresh, pritet te kaloje per diskutim ne qeveri sot, nderkohe qe Ministria e Financave ende eshte duke punuar per detajimin e fondeve qe do te shpenzohen. Ministri i Financave, Ridvan Bode, u shpreh dje se, tashme eshte gati dhe brenda javes do te shkoje ne Kuvend, buxheti suplementar per pjesen e dyte te ketij viti. Duke mos bere publike krejt shumen totale te ketij buxheti, pasi shume shpejt, sipas tij, do te behet e qarte gjithcka ne Kuvend tha se, "20 miliarde leke jane nga te ardhurat nga tatimet dhe doganat, ndersa ka edhe pjese nga rialokimet dhe kontigjencat qe e rrisin masen e ketij buxheti suplementar. Por, gati gjysma e fondeve te llogaritura ne shtesen buxhetore jane rishperndarje te fondeve, qe nuk kane mundur te shpenzohen ne pjesen e pare te vitit, sipas programit te buxhetor 2008. Nga tejkalimet e te ardhurave nga tatimet dhe doganat, por edhe nga burime te tjera jane akumuluar rreth 14 miliarde leke, sipas burimeve te Ministrise Financave, ndersa pjesa tjeter e fondeve qe plotesojne 300 milione dollaret, jane shpenzime te parealizuara sipas programit te shpenzimeve te llogaritura per vitin 2008. Keshtu, Ministria e Financave, ka bere nje "skaner" te shpenzimeve te dhe ka vendosur qe pjesa me e madhe e fondeve te buxhetit do te shkojne per infrastrukturen rrugore, sidomos per perpjekjet e medha, te tilla si rruga Durres-Kukes dhe rruge te tjera nacionale, pergjate rivieres shqiptare. Projektbuxheti shtese eshte ende ne fazen e programimit, por financat do te kanalizojne fondet qe ishin akorduar ne disa projekte te vogla, por qe nuk ishin realizuar per t'i kaluar ato ne investimin e projekteve madhe te infrastruktures te perfshira edhe ne prioritete kombetare. Gjithashtu nje pjese e fondeve qe do te rishperndahen do te perdoren per shlyerjen e borxhit. Ne kete buxhet gjysma e te ardhurave jane rezultat i privatizimit te ndermarrjes se prodhimit dhe perpunimit te naftes, ARMO. Kompania u shit pak kohe me pare, kundrejt nje vlere prej 125 milione euro. Pjesa qe do te investohet ne infrastrukture jane rreth 63 milione euro, te cilat pritet te shkojne per financimin e disa akseve nacionale ne te cilat po vazhdojne punimet. Ndersa pjesa tjeter prej 62 milione eurosh do te shkoje per shlyerjen e borxhit. Kjo skeme perdorimi e te ardhurave nga privatizimi eshte rekomanduar nga Fondi Monetar Nderkombetar.