Gazmend Bejtja: Pergjegjes drejtuesit e spitaleve per sallat e ndotura

Per drejtorin e Shendetit Publik ne Ministrine e Shendetesise, Gazmend Bejtja, mbyllja e sallave te operacionit eshte nje procedure e zakonshme, pasi rreziku i infeksionit do te ishte me i madh, nese ne keto salla do te infektoheshin edhe paciente te tjere. Por ajo qe thekson drejtori i shendetit publik ne Ministrine e Shendetesise eshte se pergjegjes per situaten jane vete drejtuesit e spitaleve, te cilet nuk kane marre masat e duhura per parandalimin e ketyre situatave. "Mbyllja e sallave te operacionit eshte nje procedure normale qe kryhet ne cdo vend te botes nese rezultojne infeksione te tilla spitalore. Por ajo qe eshte me e rendesishme eshte se drejtuesit e ketyre institucioneve nuk duhet te lejojne situata te tilla dhe kjo per shkak te mosmarrjes se disa masave apo pajisjeve te nevojshme", eshte shprehur drejtori i Shendetit Publik ne MSH, Gazmend Bejtja. Sipas tij, tashme eshte e rendesishme qe te merren masat e duhura ne menyre qe infeksioni te mos perhapet edhe ne pavijone ku te rrezikohet jeta e pacienteve te tjere. Ajo qe ka theksuar Bejtja ka qene se spitalet kane pasur detergjente dhe pajisje te tjera higjieno-sanitare, por problemi ka qendruar tek drejtuesit e spitaleve te cilet nuk kane ditur qe te menaxhojne situatat dhe burimet financiare si dhe shperndarjen e tyre. Sipas kreut me te lare te shendetit publik tashme kerkohet nje bashkepunim mes institucioneve per permiresimin e situates ne pavijonin e kardiokirurgjise ne QSUT. Ndersa vete kreu i Shendetesise, Nard Ndoka, ka pohuar se ne spitalet e vendit ka probleme, por kjo vjen nga mungesa e investimeve dhe buxheti i vogel qe i jepet shendetesise, pavaresisht se ky ka qene ne rritje gjate viteve te fundit.