Shtohet fluksi i tërheqjes së kuponave të pasaportave biometrike, afrohet numri 100 mijë, i vendosur si parakusht nga BE-ja

Ardhja e emigranteve gjate ketij sezoni veror ka shtuar ndjeshem shitjen e kuponave per pasaportat biometrike, dhe kartat e identitetit. Nëse para sezonit turistik kuponat per kartat e identitetit jane terhequr me shume, muajt e fundit numri i larte i emigranteve qe kane hyre ne territorin shqiptar ka shtuar fluksin e larte per terheqjen e kuponave te pasaportave biometrike. Sipas postes shqiptare deri tani jane shitur rreth 1 milione 309 mije e 792 kupona per leternjoftimet elektronike, dhe 61622 kupona per pasaportat biometrike. Drejtoresha e Postës Shqiptare per Tiranen, Pranvera Lalaj, thote se gjate ketyre dy muajve te fundit, terhiqen ne dite nga sportelet e postes, rreth 500 kupona per pasaportat biometrike. "Shikojme ne krahasim me fillimin qe ka nje fluks te madh shitjesh per pasaporta. Ndersa fillimisht kemi patur rreth 100 kupona per pasaporta ne dite, tani ka arritur ne 500-600 ne dite me ardhjen e emigranteve", ben te ditur Pranvera Lalaj, drejtoreshe e postes shqiptare per Tiranen. Ajo thote se numri i kuponave te shitur per kryeqytetin eshte rritur ndjeshem, nderkohe qe per te perballuar kete fluks, jane shtuar dhe sportele ne komuna, dhe fshtatra. "Sherbehet pothuajse ne te gjitha zyrat postare te qytetit dhe te fshatit, ku fillimisht kane qene vetem zyrat postare te qytetit, te Tiranes dhe te Kavajes, tani eshte ne te gjitha fshatrat. Per Tiranen 25 mije, ndersa totali i kuponave ka arritur ne 340 mije kupona, per kartat e identitetit", vijon Lalaj. Drejtuesit e postes, thone se te gjithe ata qe jane te interesuar i gjejne sportelet e postes te hapura, diten e shtune dhe te diel.